"ვისგის" დაცვის ქვეშ მყოფი ლგბტ აქტივისტების მიმართ სასამართლომ საქმე შეწყვიტა
18 05 2016

დღეს, თბილისის საქალაქო სასამართლოს ადმინისტრაციულ საქმეთა კოლეგიის მოსამართლე ნინო ჭალიძემ განიხილა 16 მაისის ღამეს დაკავებული ორი ლგბტ აქტივიტის საქმე. აღნიშნული პირების მიმართ მოსამართლემ საქმე შეწყვიტა საქართველოს ადმინისტრაციულ სამართლდარღვევათა კოდექსის 45-ე (ნარკოტიკული საშუალების გასაღების მიზნის გარეშე, მცირე ოდენობით უკანონოდ შეძენა ან შენახვა ანდა ნარკოტიკული საშუალების ექიმის დანიშნულების გარეშე მოხმარება) და 173- ე (სამართალდამცავი ორგანოს თანამშრომლის, სამხედრო მოსამსახურის, სახელმწიფო დაცვის სპეციალური სამსახურის თანამშრომლის ან აღსრულების პოლიციელის კანონიერი განკარგულებისადმი ან მოთხოვნისადმი დაუმორჩილებლობა, ან ამ პირის მიმართ სხვა კანონსაწინააღმდეგო ქმედების განხორციელება ) მუხლებში.

ვ. ტ-შვილის ინტერესებს წარმოადგენდა WISG-ის იურისტი, ხოლო გ.დ-შვილის ინტერესებს წარმოადგენდნენ WISG-ის და EMS-ის იურისტები. როგორც WISG-ის იურისტი, ციალა რატიანი აღნიშნავს, მისი დაცვის ქვეშ მყოფების მიმართ პოლიციამ დაკავებულების მიმართ წინააღმდეგობის გაწევის მუხლი მას შემდეგ გამოიყენა, როცა აქტივისტებს ნარკოტიკული საშუალება არ აღმოაჩნდათ. თუმცა სასამართლომ დაკავებულების მიმართ საქმე პოლიციისადმი წინააღმდეგობის გაწევის ნაწილშიც შეწყვიტა.

რაც შეეხება 16 მაისის ღამეს დაკავებულ დანარჩენ ათ აქტივისტს, მათგან სამი დაკავებულის სასამართლო სხდომა ისე გადაიდო, რომ სასამართლო პროცესი დღეს არც ჩატარებულა; ექვსი მათგანის პროცესი 20 მაისის, ერთი აქტივისტის პროცესი კი 30 მაისს ჩატარდება.



ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
"ვნებები და უფლებები"- ნამუშევრები გამოფენიდან
ქვიარ დების გარბენი - სოციალური და გარემოსდაცვითი სამართლიანობა
სიძულვილს გადარჩენილი ადამიანები იქ, სადაც სიყვარული აკრძალულია