შვებისმომგვრელი გამარჯვება ტრანსგენდერი ადამიანებისთვის შოტლანდიაში
15 10 2014
ნათან გეილი „შოტლანდიური ტრანსგენდერთა ალიანსი“ ერთი სქესის ადამიანებს შორის ქორწინება 16 დეკემბრიდან შოტლანდიაში ლეგალურია. სანამ წყვილები ამ დიდი დღისთვის ემზადებიან, იმ ტრანს ადამიანებს, რომლებიც უკვე ქორწინებაში ან სამოქალაქო პარტნიორობაში იმყოფებიან, შეუძლიათ შვებით ამოისუნთქონ, ვინაიდან  საკუთარი გენდერის სამართლებრივი აღიარება მათ ამიერიდან თავიანთი ოჯახების დაშლის, პარტნიორებთან გაყრის გარეშე შეეძლებათ. 2005 წელს დიდ ბრიტანეთში ბევრმა ტრანსმა ადამიანმა საკუთარი გენდერის სამართლებრივად აღიარების უფლება მოიპოვა, რაც სასამართლოებსა და პარლამენტში მრავალწლიანი კამპანიების და ბრძოლის შედეგი იყო. თუმცა, ეს უფლება ყველა ტრანს ადამიანზე არ გავრცელებულა. კერძოდ, „გენდერის აღიარების აქტი“ აიძულებს ქორწინებაში მყოფ  ტრანს ადამიანებს, არჩევანი გააკეთონ თავიანთ ქორწინებასა და გენდერის აღიარების უფლებას შორის. დაქორწინებულ ტრანს ადამიანს გენდერის სამართლებრივი აღიარება მხოლოდ იმ შემთხვევაში შეუძლია, თუ პირველ რიგში პარტნიორს გაეყრება. რა თქმა უნდა, ბევრი ადამიანი წლებია იმყოფება ქორწინებაში, რომლის შენარჩუნებაც უნდა. ამ არჩევნის გაკეთება ქორწინებაში მყოფ ტრანს ადამიანებს აღარ მოუწევთ. შოტლანდიის მთავრობამ ორშაბათს, 13 ოქტომბერს განაცხადა, რომ 16 დეკემბრიდან, შოტლანდიაში დაქორწინებულ ტრანს ადამიანებს მათი გენდერის სამართლებრივი აღიარება გაყრის გარეშე შეეძლებათ. სამწუხაროდ, ჩრიდოლეთ ირლანდიაში დაქორწინებულები ამავე უფლებით ვერ ისარგებლებენ. დემოკრატიული უნიონისტების პარტია ლგბტი უფლებებზე ვეტოს დადებას განაგრძობს. შოტლანდიაში დაქორწინებული წყვილები კიდევ ერთი უფლებით ისარგებლებენ - გენდერის სამართლებრივი აღიარებისთვის, საჭირო არ იქნება მეუღლის თანხმობის წარდგენა. წყარო


ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
ქვიარ დების გარბენი - სოციალური და გარემოსდაცვითი სამართლიანობა
სიძულვილს გადარჩენილი ადამიანები იქ, სადაც სიყვარული აკრძალულია
ერთი დღე "ჰომოფობიის ლაბირინთში"